ಸಾಮಾನ್ಯ ಜ್ಞಾನ ಮತ್ತು ಪ್ರಚಲಿತ ವಿದ್ಯಮಾನ ಕ್ವಿಜ್-ಜನವರಿ,6,7,2022

ಟಾಟಾ ಎಂಡಿ
ಟಾಟಾ ಎಂಡಿ ಅಭಿವೃದ್ದಿಪಡಿಸಿರುವ “ಓಮಿಶುರ್” ಟೆಸ್ಟ್ ಕಿಟ್ ಅನ್ನು ಕೇಂದ್ರ ಸರ್ಕಾರ ಅನುಮೋದಿಸಿದೆ. ಕರೋನಾ ಸೋಂಕಿನ ಜೊತೆಗೆ ವೈರಾಣುವಿನ ವಿಧ ಓಮಿಕ್ರಾನ್ ಆಗಿದೆಯೇ ಅಥವಾ ಅಲ್ಲವೇ ಎಂಬ ಅಂಶವನ್ನು ಸಹ ಪತ್ತೆಹಚ್ಚಬಹುದಾಗಿದೆ. ಓಮಿಕ್ರಾನ್ ತಳಿಯನ್ನು ಪತ್ತೆಹಚ್ಚುವ ದೇಶದ ಮೊದಲ RT-PCR ಕಿಟ್ ಇದಾಗಿದೆ.

ಚೆನ್ನೈ ವಿಮಾನ ನಿಲ್ಧಾಣ
ವಿಮಾನಯಾನ ಅನಾಲಿಟಿಕ್ಸ್ ಸಂಸ್ಥೆ “ಸಿರಿಯಮ್” ಪ್ರಕಾರ ಆನ್ ಟೈಮ್ ಕಾರ್ಯಕ್ಷಮತೆಗಾಗಿ ಟಾಪ್ 10 ಜಾಗತಿಕ ಪಟ್ಟಿಯಲ್ಲಿ ಚೆನ್ನೈ ವಿಮಾನ ನಿಲ್ಧಾಣ 8ನೇ ಸ್ಥಾನದಲ್ಲಿ ಕಾಣಿಸಿಕೊಂಡಿದ್ದು, ಪಟ್ಟಿಯಲ್ಲಿ ಸ್ಥಾನ ಪಡೆದ ಏಕೈಕ ವಿಮಾನ ನಿಲ್ದಾಣ ಎನಿಸಿದೆ.

ಹರ್ ಪ್ರೀತ್ ಚಂಡಿ
ಭಾರತ ಮೂಲದ ಕ್ಯಾಪ್ಟನ್ ಹರ್ ಪ್ರೀತ್ ಚಂಡಿ ಅವರು ದಕ್ಷಿಣ ಧ್ರುವಕ್ಕೆ ಏಕಾಂಗಿಯಾಗಿ ಪ್ರವಾಸ ಮಾಡುವ ಮೂಲಕ ಈ ಸಾಧನೆಗೈದ ಭಾರತ ಮೂಲದ ಪ್ರಥಮ ಮಹಿಳೆ ಎನಿಸಿದ್ದಾರೆ. ಪ್ರಸ್ತುತ ಚಂಡಿ ರವರು ಬ್ರಿಟನ್ ಸೇನೆಯಲ್ಲಿ ಫಿಸಿಯೋಥೆರಪಿಸ್ಟ್ ಆಗಿ ಸೇವೆ ಸಲ್ಲಿಸುತ್ತಿದ್ದಾರೆ. 40 ದಿನಗಳಲ್ಲಿ 1127 ಕಿ.ಮೀ ಕ್ರಮಿಸುವ ಮೂಲಕ ಅವರು ಅಂಟಾರ್ಟಿಕಕ್ಕೆ ಕೈಗೊಂಡಿದ್ದ ಸಾಹಸಯಾತ್ರೆ ಪೂರ್ಣಗೊಳಿಸಿದರು.

ಆಯಿಷಾ ಮಲಿಕ್
ಲಾಹೋರ್ ಹೈಕೋರ್ಟ್ ನ ನ್ಯಾಯಮೂರ್ತಿ ಆಯಿಷಾ ಮಲಿಕ್ ರವರನ್ನ ಪಾಕಿಸ್ತಾನ ಸುಪ್ರೀಂ ಕೋರ್ಟಿನ ಮಹಿಳಾ ನ್ಯಾಯಮೂರ್ತಿಯನ್ನಾಗಿ ಆಯ್ಕೆ ಮಾಡಲಾಗಿದೆ. ಆ ಮೂಲಕ ಆಯಿಷಾ ಮಲಿಕ್ ರವರು ಪಾಕಿಸ್ತಾನ ಸುಪ್ರೀಂಕೋರ್ಟಿಗೆ ಆಯ್ಕೆಗೊಂಡ ಮೊದಲ ಮಹಿಳಾ ನ್ಯಾಯಮೂರ್ತಿ ಎನಿಸಿದ್ದಾರೆ.

ಜನವರಿ 6
ವಿಶ್ವ ಯುದ್ದ ಅನಾಥರ ದಿನವನ್ನು ಜನವರಿ 6 ರಂದು ಆಚರಿಸಲಾಗುತ್ತದೆ. ಯುದ್ದಗಳಲ್ಲಿ ಪೋಷಕರನ್ನು ಕಳೆದುಕೊಂಡ ಮಕ್ಕಳ ಸ್ಥಿತಿಗತಿಗಳ ಬಗ್ಗೆ ಜಾಗೃತಿ ಮೂಡಿಸಲು ಈ ದಿನವನ್ನು ಆಚರಿಸಲಾಗುತ್ತದೆ.

ಉತ್ತರ ಪ್ರದೇಶ
ಕೇಂದ್ರ ಜಲ ಶಕ್ತಿ ಸಚಿವರಾದ ಗಜೇಂದ್ರ ಸಿಂಗ್ ಶೇಖಾವತ್ ರವರು ಮೂರನೇ ರಾಷ್ಟ್ರೀಯ ಜಲ ಪ್ರಶಸ್ತಿ-2020ನೇ ಸಾಲಿಗೆ ಘೋಷಿಸಿದ್ದು, ಜಲ ಸಂರಕ್ಷಣೆಗೆ ಕೈಗೊಂಡ ಅತ್ಯುತ್ತಮ ಕಾರ್ಯಕ್ಕಾಗಿ ಉತ್ತರ ಪ್ರದೇಶ ಅತ್ಯುತ್ತಮ ರಾಜ್ಯ ಪ್ರಶಸ್ತಿಗೆ ಭಾಜನವಾಗಿದೆ.

ನೇಪಾಳ
ಉತ್ತರಖಂಡದ ದಾರ್ಚುಲದಲ್ಲಿ ಮಹಾಕಾಳಿ ನದಿಯ ಮೇಲೆ ಸೇತುವೆ ನಿರ್ಮಿಸುವ ಸಂಬಂಧ ನೇಪಾಳ ದೇಶದೊಂದಿಗೆ ಕೇಂದ್ರ ಸರ್ಕಾರ ಒಡಂಬಡಿಕೆಗೆ ಸಹಿ ಮಾಡಿದೆ. ಮಹಾಕಾಳಿ ನದಿ ಭಾರತ ಮತ್ತು ನೇಪಾಳವನ್ನು ಪ್ರತ್ಯೇಕಿಸುತ್ತದೆ. ಉದ್ದೇಶಿತ ಸೇತುವೆಯು ಉತ್ತರಖಂಡದಲ್ಲಿರುವ ದಾರ್ಚುಲ ಮತ್ತು ನೇಪಾಳ ಗಡಿ ಪ್ರದೇಶದೊಳಗಿರುವ ದಾರ್ಚುಲ ಅವಳಿ ನಗರಗಳನ್ನು ಸಂಪರ್ಕಿಸಲಿದೆ.

ಮಹಾರಾಷ್ಟ್ರ
ಅನಾಥ ಮಕ್ಕಳನ್ನು ಪೋಷಿಸಿ, ಅನಾಥರ ತಾಯಿಯೆಂದು ಪ್ರಸಿದ್ದರಾಗಿದ್ದ ಸಿಂಧುತಾಯಿ ಸಪ್ಕಾಲ್ ರವರು ನಿಧನರಾದರು. ಸಾಮಾಜಿಕ ಕಾರ್ಯಕರ್ತೆಯೂ ಆಗಿದ್ದ ಇವರಿಗೆ ಕೇಂದ್ರ ಸರ್ಕಾರ ಪದ್ಮಶ್ರೀ ಪ್ರಶ್ತಿಯನ್ನು ನೀಡಿ ಗೌರವಿಸಿತ್ತು. ಮಹಾರಾಷ್ಟ್ರದ ವಾರ್ದಾ ಜಿಲ್ಲೆಯಲ್ಲಿ 1948ರಲ್ಲಿ ಸಪ್ಕಾಲ್ ಜನಿಸಿದರು.

ರೂ 200
ಗ್ರಾಮೀಣ ಮತ್ತು ಅರೆ ಪಟ್ಟಣ ಪ್ರದೇಶಗಳಲ್ಲಿ ಡಿಜಿಟಲ್ ವಹಿವಾಟು ಪ್ರೋತ್ಸಾಹಿಸುವ ಉದ್ದೇಶದಿಂದ ಭಾರತೀಯ ರಿಸರ್ವ್ ಬ್ಯಾಂಕ್ ಇಂಟರ್ನೆಟ್ ಇಲ್ಲದಿದ್ದರೂ ಡಿಜಿಟಲ್ ಪಾವತಿಯನ್ನು ಸಾಧ್ಯವಾಗಿಸಲು ಪ್ರತಿ ವಹಿವಾಟಿನಲ್ಲಿ ಗರಿಷ್ಠ ರೂ 200 ವರೆಗೆ ಪಾವತಿ ಮಾಡಲು ಅವಕಾಶ ಕಲ್ಪಿಸಿದೆ. ಹಣ ಪಾವತಿಸುವ ವ್ಯಕ್ತಿ ಮತ್ತು ಸ್ವೀಕರಿಸುವ ವ್ಯಕ್ತಿ ಒಂದೇ ಕಡೆ ಇದ್ದಾಗ ಮಾತ್ರ ವಹಿವಾಟು ಸಾಧ್ಯವಾಗಲಿದೆ.

ಯುನೈಟೆಡ್ ಇಂಡಿಯಾ ಇನ್ಯೂಶೆರನ್ಸ್
ವಿಮಾ ನಿಯಂತ್ರಣ ಮತ್ತು ಅಭಿವೃದ್ದಿ ಪ್ರಾಧಿಕಾರ (IRDAI) ಜನರಲ್ ಇನ್ಯೂಶರೆನ್ಸ್ ಕಾರ್ಪೋರೇಶನ್ ಆಫ್ ಇಂಡಿಯಾ, ದಿ ನ್ಯೂ ಇಂಡಿಯಾ ಅಶ್ಯೂರನ್ಸ್ ಕಂಪನಿ ಮತ್ತು ಭಾರತೀಯ ಜೀವ ವಿಮಾ ನಿಗಮವನ್ನು ವಿಮಾ ಸಂಸ್ಥೆಗಳನ್ನು ದೇಶಿಯ ವ್ಯವಸ್ಥಿತ ಪ್ರಮುಖ ವಿಮಾದಾರರು (D-SIIs) ಎಂದು ಗುರುತಿಸಿದೆ.